أفتحت عينى .. أحاول أتشبث بغطاء سريرى وكأنى أتشبث بالحياة
لتهبنى يوم واحد (كمان) جديد محمل بالمفاجأت
أحاول أتذكر الحلم الذى كنت أحلم به
نجوم .. أطفال صغيرة ومن بينهم أنا أقفز من نجمه لاخرى ..
اليوم ميلاد التجربه..
ميلاد شهر جديد..
لا أصدق .. أسمع صوت أمى .. تجرى مسرعه الى الشرفه
تزيل الملابس .. الدنيا بتشتى .. السما بتبتسم مطر
دخلت الشمس غرفتى معلنه وجودها
ريحه المطر .. مازلت لا أصدق !
كنت واثقه ان الصيف مش هيحل الا لما السما تودعنى بمطره أخيره ;-)
من بعيييييد .. صوت ماجده الرومى
شو معنى هالحياة
حلم وماااارق ساعااات
الباقى من عمرى بهديك
عمرى لحظه بتناديك ...
لازلت أتذكر الشهاب الذى رأيته يوم اكتمال القمر وبكائى
من سحر وجمال العالم وقد أعطى البشر له ظهورهم !
لحظاتى الجميله مثل هذا الشهاب ما أن تظهر وتشتعل حتى تختفى !
تداهمنى التوهه التى أشعر بها كلما شاهدت فيلم زى النهارده
وألف مبروك .. يجتاحنى سؤالى الذى لا أجد له اجابه
لو ان شئ ما ضرب كوكب الارض .. بم أتشبث ؟
لو أننى غدا لم أكن موجوده هنا ؟
أفتح درج مكتبى .. وأخرج كتبى المفضله لدى التى اشتريها ومعى لها ذكريات
.. وأجلس بأيها ابدأ ؟
تقول أمى ان كتبى الادبيه أكثر من كتب الطب !
الكتب دى اللى هتخسرنى .. ومش هتنفعنى بحاجه !
ولكن دائما أنسى أن اصطحبها معى فى جوله سحريه لأريها العالم
من فوق الكتب .. أأخذ بيدها لتصعد معى فوق الظلمه فوق الخرس فوق الخوف فوق الروتين !
ولكنها دائما تخاف جنونى D:
أقضى معظم الوقت بغرفتى .. مكانى المفضل
أعلق بها أحلامى .. أزينها بكل الاشياء المتفائله .. استعدادا للحرب
والصدمات على أرض الواقع بكل ألمه وحلاوته !
أقل من سنه تفصلنى عن العالم الخارجى .. بكل ما يحكون عنه !
قربت من عنق الزجاجه !
أفتح أجندتى لأكتب كل ما هو تافه .. فرانكو أرب حتى لا يستطيع أحد ان يقرأها
أنا أيضا بعد انتهائى من الكتابه لا أستطيع قرأتها
ربما لو دخلت التاريخ ستحتاج لفك شفرات حجر سنسن D:
أريد أن اشترى أشياء كثيرة .. وأرى أشياء أكثر
ولكن اتفاجأ دائما .. أن أهم شئ أريد ان اشتريه هو مفاتيح وأقفال !
مفتاح لباب غرفتى أغلقه وأصفع بابه فى وجه العالم عندما أصرخ من غبائه
أتمتم يارب ارحم كل المجانين الذين يعيشون فى هذا العالم !
قفل على باب صندوق ذكرياتى الجميله .. فلا يخدشه أحد اذا غدرت بى الايام
وأصابنى الزهايمر .. ماذا سأفعل وقتها .. من سيساعدنى على تذكرها أو تجميعها !
قفل على اجندتى .. فلا يتطلع اليها أحد بفضوله .. ويجرحها بتعليق سخيف
فمهما كانت هيا جزء منى وأنا منبعها !
قفل ومفتاح سرى لهاتفى .. لجهازى الألكترونى .. فلا يعبث بهم أحد !
قفل على درج مكتبى الذى أخبئ به أدوات وكراسه الرسم .. وأهم الاشياء
التى أهرب اليها كلما أحسست بغربه وافتقدنى بشده .. لعلنى أجدنى من بينها !
الى متى وسيظل الجميع لا يبالون بما أشعر بما أفكر
هم لا يبالون وأنا سأظل أضع قفل ومفتاح بل وأسوار لأحمى فضائى الداخلى
من عبث أيديهم !
نقطه ومن أول السطر .
هناك 4 تعليقات:
اول مرة ازور المدونة وان شاء الله مش الاخيرة
اسلوبك جميل جدا عشت مع كل كلمة في البوست ده
الف حمدلله على السلامة على عودتك للكتابة من جديد
:))
الاقفال دى كلنا بنحتاجها كل المجانين اللى شبهنا فعلا عشان يقفلوا على الحاجات اللى بتخليهم مختلفين عن باقى الناس لان محدش هيفهم قيمتها ولا اهميتها اقفلى عليها وخلى بالك منها لان دى من روحك
حافظى على نفسك دايما مختلفة
منورة المدونه يا ايوشه
منورها بجد بزيارتك
:))
الله يسلمك يا جميل
ربنا يستر وأكمل
مهربش زى العاده D:
عندك حق يا رحيل :))
بحمد ربنا ان لسه فى مجانين
زيى فى العالم ده مش أنا بس
D:
بس اللى بيتعبنى
ان نفسى يكون قلبى
مفتوح على العالم على مصراعيه
ساعات ببقى نفسى أشارك
كل اللى بحبهم بالحاجات اللى بحبها سواء بيفهمونى
أو لاء سواء بيحسوا باللى بقوله
أو لاء
ببقى نفسى أعلمهلهم
أضيفلهم أشياء جديده
تغير حياتهم
ببقى نفسى يشوفوا الدنيا
زى ما انا شيفاها
بس برجع واطصدم من ال
resistant اللى بلاقيه
والهجوم الشرس
أنا بتقبلهم كده
لكن مش بلاقى العكس
فبضطر أدخل بياتى الشتوى
واتقوقع وارحل عشان على الاقل
بخاف اخسر نفسى وتتوه وملاقهاش تانى
واعرف ناس كتيرة بمجرد دخولها
الساقيه .. معرفتش تخرج !
إرسال تعليق