رَوْحٌ وَرَيْحَانٌ ( براح .. ): هل رتبت داخلك اليوم :)

الجمعة، 7 مايو 2010

هل رتبت داخلك اليوم :)

أكيد كلنا بنهتم بترتيب أودتنا .. تنفيض البيت من التراب
ترميم كل ما هو مكسور ..

لكن عمرنا فكرنا نرتب اللى جوانا
ننفض داخلنا من التراب والعناكب وكل ما هو زاحف من افكار سيئه .. !

لو بصينا على كميه التراب المتراكم على ذاكرتنا
والهموم اللى شايلنها .. والأفكار العفنه اللى ممكن تقتلنا ..
يمكن نتخض من الكم الهائل من الكراكيب الغير مستعمله
واللى عفى عليها الزمن ومحتاجه تجديد ...

زى ما البيوت محتاجه دايما يدخلها الشمس والهوا النقى
جوانا دايما محتاج لشمس ونور .. وهوا نقى من الافكار الايجابيه
الا وهنموت من العتمه والخوف والضلمه
اللى كتير مننا بيبنيها بأيده ويدمر بيها نفسه

محتاجين نرمم داخلنا لينا ولنفسنا
وعشان يكون فى استقبال كل البشر اللى هيدخلوا لحد أعماقنا
غلطنا أننا بندخل فى صداقات وعلاقات جديده
محملين بقدر كبير من الشحنات السلبيه .. مثقلين بكل ما هو كبير الحجم وقليل الاستخدام
أشياء انتهت صلاحيتها من زمن ..
ومصممين على استعملها طول طريقنا .. !

أنا كمان محتاجه لده .. محتاجه أفضى واتخلص من كل الكركبه
والفوضى اللى جوايا .. أدخل الحياة خفيفه الوزن .. حامله فقط كل ما هو ينفعنى
فيما هو أتٍ ..
محتاجه لبرايه وأستيكه وغساله .. ومنفضه .. ومكنسه وكل ادوات التنظيف
اتعصبت .. ولبست هدوم الشغل
ورايا تنضيف وشغل كتييير
أيدكم معايا .. ولا هنضف لوحدى .. D:

هناك 9 تعليقات:

رحــــيـل يقول...: جااااااامد جدا البوست ده
انا معاكي على فكرة
:))
انا بقالى فتره بعمل كده لاقيت انه مهم جدا عشان نقدر نكمل; 7 مايو 2010 في 2:40 م
Saadya Arafat يقول...: هيييييييييييييه
لقيت حد هينفض معايا D:
ومش اى حد دا رحيل :))

مكنش هيبقى ليه طعم التنفيض
والترويق من غيركم ..

استعنا على الشقا بالله
أيدك معايا يارحيل :))

البسى بس كمامه
عشان التراب اللى هيطلع
D:

بسم الله :); 7 مايو 2010 في 3:23 م
Sweet Violet يقول...: طب انا جيت متاخر ولا ايه
انا عايزة انا كمان انفض
ده انا حاسه ان فيه دوشة كتييييير قوى جوايا

-_-; 7 مايو 2010 في 10:05 م
Saadya Arafat يقول...: هههههههههههههههه

لا لا متاخر دا أيه
شمرى يلا يا سويت
وايدك معانا :))

ادبستى وهتشتغلى
وهنفض معاكى
وان شاء الله
كل شئ هيرجع لمكانه
زى الاول وأحسن :)); 8 مايو 2010 في 9:01 ص
Sweet Violet يقول...: عااااااااااااااااااااااا
يعنى اعمل اييييه بس
اولع فى بلوجر و ارجع ضد التيار تانى يعنى ولا اعمل ايه

مالك بقى هه هه
البارح حاولت ادخل عمو بلوجر قالى
امشى يابت من هنا مافيش مكان ليك
عااااااااااااااااااااا

حلو كده يعنى اللى عمو بلوجر قاله ليا
v_v

بدأت اقلق عليك بجد
فى بوستات لبست طاقيه العفريت
و المدونة قفلت بابها
طمنينى عليك بقى
×_×; 10 مايو 2010 في 8:04 م
Saadya Arafat يقول...: أنا بعتذر يا سويت
أنا فعلا امبارح دخلت
وقفلت الدنيا كلها
فيس بوك ومدونه برايفت مش لحد معين ومشيت :(
كانت حالتى صعبه شويه
مكنتش عارفه اكتب :(

ورجعت تانى فتحتهم
عشانكم بجد :))
بس مش هقدر اكتب
متواصل يوميا أوى كده :(

شكل الحالة جت
ومفييش مفر من الهروب D:

وبجد بعتذر سامحينى :))
لو بقفل المدونه فعلا
بيبقى غصب عنى :); 11 مايو 2010 في 2:15 ص
Saadya Arafat يقول...: انا فعلا مكنتش عايزة أخذل داليا
مع انى معرفهاش :))
ومبسوطه جدا لاشتراكى فى حمله التدوين

بس البركه فيكم بقى
تكملوا الحمله وانا هتابع
معاكم :))

وهكتب على خفيف من وقت للتانى
وربنا يكرم :)); 11 مايو 2010 في 2:18 ص
Sweet Violet يقول...: ربنا معاك ياقمر
و ان شاء الله ترجعى بسرعه لحالتك الطبيعية و مش تدخلى تانى فى الحالة دى
v_v

هنتظر كتابتك الخفيفة
بس بلاش بقى تخلى عمو بلوجر يقولى تانى امشى يابت من هنا
عااااااااااااااااااا
ده وحش عمو بلوجر ده على فكرة
و انتى بتساعديه بقى عاااااااااااااااا

روقى ياقمراية و فكرى فى الحاجات الحلوة اللى فى حياتك و الناس اللى بتحبك بجد
و صدقينى الحالة الوحشة دى مش هتقدر تقرب منك تانى
^_^; 12 مايو 2010 في 12:18 ص
Saadya Arafat يقول...: يارب يا سويت :))

ان شاء الله خير :)

دا عشان خاطرك
نولع فى بلوجر خالص
اذا كان بيزعلك كده D:

متقلقيش يا جميل
الحاله دى بتحصل لكل اللى بيكتبوا
ساعات بيحسوا اللى بيكتبوه
مالوش لازمه .. أو بيوجعهم
أكتر ما بيساعدهم يخرجوا
اللى جواهم
فترة وبتعدى :)

راجعين بقوة بأذن الله
ريفرش بسيط بس
عشان باندم لما بكتب
حاجات تشاؤميه .. ممكن تسمم
أى حد من غير ما اقصد

هتحمل انا اكتئابى
واكتب لما أكون متفائله
:))

لى عوده isA :); 12 مايو 2010 في 9:34 ص

إرسال تعليق